Hannah Neuner

I bin a Landmadl und liebs zum singa, lachen und neues zu entdecken. Geboren und aufgwachs’n bin i in Bayern, verbring mei Zeit mit Reisen, Musi machen und stürz mi in neue Abenteuer - egal ob beim Wandern in de kanadischen Rockies, beim Momente sammeln oder Rezepte ausprobieren.

Mei christlicher Glaube is mei Kompass der mi durch Höhen und Tiefen leitet und des ganze mit vui Dankbarkeit. Wenn i ned grod de Welt erkundige oder Zeit mit Familie und Freind verbring dann hört ma mi beim Musi machen oder staunen und lachen über jeden Schmarrn. Mei größter Traum is a Leben mit Familie und Glaube als Fundament, umgeben von Berge, Musik, Tiere und a enge Gemeinschaft.

Des is mei kloans Eck wo i Eindrücke aus meim Leben mit dir teil. Schee, dass du vorbei schaust! Gfreit mi, dass du mit mir auf d’Abenteuerreise gehst!

Curriculum Vitae

Auf Anfrage erhältlich!

 FAQ’s:

  • I bin 21 Johr alt und I studier Musikwissenschaft & -pädagogik an der Uni Eichstätt-Ingolstadt. Wenn I ned grod am Klavier üben oder singen bin, findest du mi im Gym, beim Wandern, Radlfahren oder beim Bestaunen von Gottes Werk. I verbring gern Zeit mit meiner Familie und meine Freind und bin auf der Suche nach Abenteuern.

  • Scho bevor I reden hab kenna, hab I Melodien mitgsunga. I war in am Kinderchor und hab nimma aufghört mitn singen.

    Seit I 19 bin schreib I eigene Lieder. Seit 2022 studier I Musik. I lieb Jazz, Oldies und Country und vor allem mach i gern Musik mit meine Freind!

  • Mei Repertoire enthält Jazz, Oldies, Country, Soul, Bayrisches Volkslieder, Lobpreis und Hochzeitsfavoriten. I sing auf Englisch, Deutsch, Bayrisch, Holländisch oder Spanisch. Für jedes Event is wos dabei!

  • Schreib mir einfach über mei Website oder übers Kontaktformular. Do Gemma über alle Details reden. Wenn ois bassd, mach ma de letzten Absprachen, damit’s a unvergessliche G’schicht werd.