Brennt dei Herz?

Kennst des G’fühl, wenn da irgendwos so tief ins Herz g’legt wird, dassd du’s ned ignorier’n kannst? So geht’s mia grod. I spür, dass Gott zu mir spricht und mir klarmacht: „Verbreit mein Wort. Teil des, wos wirklich zählt. Bau Gemeinschaft. Sei a Liacht.“

Und je mehr i drüber nochdenk, desto stärker wird’s. Es geht ned drum, irgendwem wos aufzumzwinga oder mit erhobenem Zeigefinga dozumsteh. Es geht drum, Liacht in die Welt zum bringa. A Hoffnung, a Welt, a Freid und Interesse zu wecken oder zum Nachdenken zu bewegen. Also vor allem des, wos durchn Glauben g’schenkt is, ned für si zu behalten, sondern weida zu gebm.

Ma lebt in a Welt, de oiwei lauter und schneller wird. Wo ois so vü Ablenkung gibt, dass ma oft vergisst, worum’s wirklich geht. Wo Leid und Unsicherheit oft lauter schreien ois Hoffnung und Zuversicht. Aber genau do samma g’fragt! Mir kennan de sei, de Gottes Frohbotschaft weier tragen. De, de zammkemma, de gemeinsam wachsen, de an Unterschied machen.

Vielleicht hast du di a scho moi g’fragt: „Wie konn i des weitergeben? Bin i überhaupt richtig dafür?“ I kann da sogn: Ja! Bist du! Du muasst koa Theologe sei oder an perfekten Glauben ham. Gott führt uns genau so, wia ma san. Ma braucht nur a offens Herz und a bissl Mut.

Und genau des will i: Mehr Gemeinschaft, mehr Austausch, mehr gemeinsam wachsen!

Vielleicht im Gespräch, vielleicht in an kleanan Treffen, vielleicht auf Social Media oder im Alltag – völlig egal, Hauptsach ma teilt’s.

Jeder, der des auf’m Herzen hod, darf si gemeinsam mit mir auf’n Weg machen!

Schreibts ma, red ma zamm drüber, lasst’s uns zamm beten!! Und wenn du des G’fühl host, dass Gott di ruft, sei ned zu zurückhaltend. Trau di! Sei des Liacht, wos unsere Welt braucht.

„Geht hinaus in die ganze Welt und verkündet das Evangelium allen Geschöpfen!“ (Markus 16,15)

Wos moanst du? Bist du dabei? Lass uns die Frohbotschaft teilen und weiter geben! ❤️🔥

Mach’s guat daweil!

Dei Hannah