Mei Weg zur Musik

Kinderchor

Scho als i no in da Grundschule war, hod Musik a wichtige Rolle in meim Leben gspuit. I hab im Kinderchor vo mein Dorf gsunga und hab richtig vii Spaß gehabt a bei Musicals mitzumachen. Des hod mi natürlich stark geprägt und mir hods zogt, dass Musik Spaß macht und dass i des weiter machen mechd.

Klavier

As Klavierspuin hod zu der Zeit a ogfanga – wenn a erstmoi unregelmäßig. Ab da fünften Klass hab i na wöchentlich Klavierunterricht gnomma, weil i an musischen Zweig gwählt hob. I hab hauptsächlich klassische Stücke gspuit, weil i Vorspiele habt hab. In da zehnten Klasse hab i dann kein Klavier mehr gspuit – ohne damals zum wissen, dass i spada wieder ofanga werd.

Pause + Gesang

In de Jahre nach da zehnten Klass hab i mi auf mein Gesang konzentriert. Egal ob Karaoke, Playback dahoam oder im Auto - gsunga hab i allerweil. Es war so als hätt wer wollen, dass i oafach ned aufhören mit da Musik, als war’s für mi bestimmt. Nachm Abitur hab i dann genauso weitergemacht und erstmoi Sport studiert.. hätt mir damals wer gsogt wie’s weitergeht.. I hätt’s dem nia glabt!

Zurück in die Musik

Während mein Urlaub in Irland is ma dann wos bewusst worden: Musik is mehra als nur a Hobby für mi– sie ist mei Leidenschaft, mei Berufung. Des hod ois verändert. I hab gwusst, dass i zur Musik zrückfinden muss und so hab i ogfanga wieder Klavier zum spuin und hab mi dann für a Studium an der KU Eichstätt einschrieb’n. Es war letztlich de Musik de mir den richtigen Weg gewiesen hod.

So aber jetzt bist du an der Reihe: Teil doch gern dei Gschicht mit der Musik oder mit deiner Leidenschaft! I bin gsapnnt wos di geprägt hod, wie du dazua kemma bist und wo du heid stehst. Es ergibt sie bestimmt der ein oder andere interessante Austausch!

Mach’s guat daweil!

Hannah