Arbeit oder nix?

Kennst des Gfui, dass ma ständig wos macha muas? Dass ma jede freie Minute irgendwie sinnvoll nutzen mechd? I kenn des nur zu guat. I bin a Mensch, der gern plant, schafft, übt und lernt. Aber ehrlich gsogt: Manchmoi geht oafach nix – und des is voll okay!

Es gibt so Momente, do hod ma ois erledigt, de Arbeit is do, de To-Do-Listn abghakt und trotzdem fühlt ma si unruhig. „Sollt i ned no wos machen? No a boor Liada üben? No a bissl Sport machen? No a boor Seitn im Buach lesen?“ Aber manchmoi brauchts genau as Gegenteil: a kloane Pause, a bissl Luft zum Atmen, Zeit zum runterkommt und in der ma nix doa muas.

I hob glernt, dass Pausen koa Zeichen vo Faulheit san, sondern dass ma de braucht, um langfristig Energie zu hobn. Kreativität, Motivation – ois des braucht Blotz und Zeit. De ruhigen Moment san oft de, in dene de besten Ideen kemma, genau dann werd oam klar, wos ma eigentlich wui.

Drum, wennst heid einfach moi nix duasd – dann genieß es! Ohne schlechtem Gwissn. Du hosd as dir verdient! 💛

Und jetz moi ehrlich: Wos duasd am liabsten, wennst oafach moi entspannst?

Mach’s guat daweil!

Dei Hannah