Spontan oder Plan?
Mit Kopf oder Herz?
Es gibt Momente im Leben, in dene sie a Gelegenheit bietet – ganz unerwartet und ohne große Planung. Manchmoi muas ma oafach zuagreifen. Weil ma jung is. Weil ma no ned festglegt is. Weil as Leben genau dann am spannendsten is, wenn ma’s moi ned durchplant.
Aber heißt des jetzt, dass ma sie Hals über Kopf in ois stürzen soll?
Der richtige Weg – oder doch Umweg?
Manchmoi spürt ma tief im Bauch, wos der richtige Weg ist – a Gefühl vo Sicherheit, a innere Stimme, de sagt: „So mach ma’s!“ Oft stellt sie raus, dass genau diese Entscheidung de richtige war. Aber wos is, wenn des G’fühl fehlt? Wenn ma oafach ned woas, wos richtig is? Dann trifft ma a Entscheidung, ohne zu wissen, war des wirklich guat so?
Aber wos, wenn sie’s im Nachhinein foisch ofühlt? Ma denkt so vui drüber noch wos foisch geh kannt, dass ma vagisst wos guat lafft. Ma is ned für immer festglegt. As Leben is koa Einbahnstraß’n – ma kann jederzeit an neuen Weg eischlagen, neu starten oder in a ganz andere Richtung geh. Hauptsache, ma bleibt in Bewegung. Ned jeder Weg is frei vo Hindernisse aber ma räumt sie auf d’Seiten oder schlägt an neuen Weg ei – und des is total okay!
Der Herr wird dich stets führen – Jesaja 58,11
Manchoil stehen mia an na Kreuzung im Leben und wissen ned, wohi mia gehen sollen. Entscheidungen fallen uns schwer, weil mia ned wissen, wos uns erwartet. Oans is sicher:
„Der Herr zeigt dir den richtigen Weg. Er lässt dich nicht aus den Augen.“ – Psalm 32,8
Drum is es so wichtig, zu beten und ihm zu vertrauen. Wenn mia ihn um Führung bitten, wird er uns leiten – vielleicht ned immer sofort oder so, wie mia’s erwarten, aber er wird uns den richtigen Weg zeigen.
Glaube, Gebet und Vertrauen san so mächtig und wenn mia im positiven handeln und an unsere Wünsche und Ziele glauben, kann ois wahr werden.
Also, wenn du grod unsicher bist, welchen Weg du geh sollst: Sprich mit Gott, vertraue ihm – er wird di führen. 💛
Die richtige Balance finden
Spontan sei is wos scheens. Mia gelangen an Orte, an de mia nie denkt hätten. Es bereichert unser Leben, schenkt uns Erinnerungen, de mia für immer bhoit’n.
Aber genauso wichtig is es, in sie selber reinzuhören. Ned jede Gelegenheit ist de einzig richtige. Ned jede offene Tür führt zum Ziel. Und manchmoi ist es wichtig durchzuschnaufen, nachzudenken und dann Gott zu fragen, wos da nächste Schritt sei soll.
Sei mutig, sei spontan – aber verlier di ned auf der Suche nach deim nächsten Abenteuer. Frag di: Passt des wirklich zu mir? Ist es des, wos Gott für mi will? Und wenn de Antworten darauf ja san – dann spring auf den Zug auf und mach’s Beste draus!
Mach’s guat daweil!
Dei Hannah